5連勝衝榜首
今晚西甲重頭戲，華倫西亞主場迎戰2哥馬德里體育會。雖然「蝙蝠兵團」早前贏過皇馬，但防守認真麻麻，馬體會跨季24仗西甲未輸過，包罗近5場全勝弗到漏油，為爭上榜首肯定拚盡，客勝有計。（Now 632周六晚11時15分直播）

華倫已經走出10月西甲3連敗谷底，近3場聯賽取得1勝2和，代表作梗係大炒皇馬4比1。不過「蝙蝠兵團」表現極為飄忽，對住中下游球隊基達菲、艾拉維斯都只能打和，防守曳乃致命傷，近6場聯賽全部有失波，門神施利臣同左閘荷西加耶仍未好番，短期內難有改进。

馬體會依家落後1哥皇家蘇斯達3分，但踢少2場，爭標形勢上擁有主動權。事實上，馬體會今季攻守兼備，8場聯賽攞到6勝2和，近5場西甲越发贏晒，上輪仲擊敗巴塞，就算蘇亞雷斯同盧卡斯托拉拿確診新冠肺炎繼續隔離，但「新C朗」祖奧菲歷斯已經上晒力，冇「阿蘇」亦冇有怕，再者「床單軍團」跨季24場聯賽取得15勝9和未輸過，客勝值得捧場。

艾拉維斯勇銳皇馬弱「細」
至於尾場皇馬主場出戰艾拉維斯，「銀河艦隊」近2場西甲未贏過，弓手賓施馬受傷患困擾，經常立功嘅「帶刀侍衞」沙治奧拉莫斯同樣受傷，冇咗佢兩個火力立刻打折扣。何況艾拉維斯近7次對皇馬雖只1勝6負，不過甚少大敗，佢哋近4場西甲取得1勝3和，表現硬淨，寧捧3.5球嘅入球細。（Now 632周日破晓4時直播）