今晚亞冠盃G組存亡戰，中超班霸FC廣州（廣州恒大）硬撼韓職代表水原藍翼。FC廣州若果輸波即公布出局，面對回勇嘅藍翼難佔甜頭，加上近3次碰頭全部打和，FC廣州讓波有暗湧，轉捧讓球客勝。（Now 670、有線651及611台周二晚6時直播）

先講G組形勢，1哥神戶勝利船3戰獲6分已提早晉級，剩餘一個出線席位由FC廣州同藍翼爭逐。現時廣州領先藍翼3分但打多1場，如果今場輸波，就會被追至同分，就算藍翼喺尾輪輸畀勝利船，亦會憑較佳對賽成績力壓廣州出線，所以廣州今場唔輸得，壓力都幾大。

藍翼近8場僅1敗狀態回勇，雖然今屆亞冠只得1和1負，但今場贏波就可扭轉劣勢，戰意唔使懷疑。何況兩軍近3次比武全部打和，包罗首輪悶和0比0，藍翼有得受讓必捧讓球客勝。