足球赛事资讯

  • 严禁互联网违法犯罪行为
本网资讯仅供购买中国体育彩票参考之用
  

内容标题:

皇馬大盤遜得過

皇馬大盤遜得
 
存亡戰趁地利喪攻
今晚歐聯「灭亡B組」矚目一戰,皇家馬德里喺二隊迪史堤芬奴球場火併慕遜加柏。「銀河艦隊」依家屈居小組第3,不過今場只要贏波,就唔使理同組另一場賽果,必定出線,加上箭頭賓施馬復出,肯定攻到你氣咳;慕遜加柏同樣重攻輕守,法國孖寶柏利亞及馬古斯杜林腳風甚順,鬥攻名堂捧2.5球嘅入球大。(myTV Gold 303、Now 643、有線656及616台周四破晓4時直播)

皇馬今屆歐聯恰似坐過山車咁,頭2輪僅得1分初現危機,之後雙殺國米,本來諗住出線冇問題,點知上輪作客又爆冷輸畀薩克達,依家落後榜首慕遜加柏1分,同薩克達一樣手握7分,不過因兩次比武都輸波而排緊第3。若果同組另一場國米擊敗薩克達嘅話,皇馬今場只需打和,就可同慕遜加柏攜手出線。

查實「銀河艦隊」仲叫把握晉級主動權,今場只要生生性性全取3分,就必定晉級16強,巴西小將雲尼斯奧斯祖利亞同洛迪高高斯喺今屆歐聯屢做奇兵,經驗豐富嘅賓施馬及沙治奧拉莫斯亦及時復出,為免連續23年出線歐聯16強嘅優良傳統斷纜,肯定主動搶攻,務求贏波出線。

慕遜加柏孖寶勁弗
頭4輪獲得兩勝兩和嘅慕遜加柏,上輪畀國米冲破不敗之身,雖然今場和波亦夠出線,但呢支德甲勁旅踢法有前冇後,今屆歐聯5戰入16球失7球,未計今輪,同拜仁及巴塞並列歐聯火力最強球隊,小組5仗全開3球或以上,不容少覷。單計法國前鋒孖寶柏利亞及馬古斯杜林就合共入咗7粒,連同隊長史甸度喺中場做支援,論進攻大概更勝皇馬,為咗出線梗係踢番最耍家嗰瓣,捧2.5球嘅大盤最划算。

本文由发球网发布,不代表我们立场,转载联系作者并注明出处:http://www.556676.com

  Copyright © 2002-2020 zq577.com【中球-足球比分】
声明:本网资讯仅供体育爱好者浏览、购买中国足彩参考之用。任何人不得用于非法用途,否则责任自负。本网所登载广告均为广告客户的个人意见及表达方式,和本网无任何关系。链接的广告仅限于体育或中国足彩推荐信息、不得含有色情、政治或博彩信息,如有违反国家法律规定的,本网有权随时予以删除,并保留与有关部门合作追究的权利。