連場激戰陪你拆禮物
今天「Boxing Day」英超多場激戰，由食飯時間睇到周日破晓，好波陪你拆禮物！頭場聯賽榜次席嘅李斯特城主場鬥3哥曼聯。「狐狸」弓手占美華迪對Big 6特別神勇；「紅魔」今季6場聯賽作客全部都係落後下反勝，場場有失波總入球全開3球或以上，今晚睇怕入球騷走唔甩，捧2.5球大盤穩陣。（Now 621及611周六晚8時30分直播）

李斯特城上場憑華迪射入12碼，加上對手艾達韋列特擺烏龍，作客2比0擊退熱刺，並代替對方2哥位置，暫以4分落後榜首利物浦。華迪今季聯賽已經入咗11球，包罗季初作客5比2贏曼城一役連中三元、作客挫阿仙奴1比0一箭定山河、及上場贏熱刺2比0先開紀錄，對住Big 6腳風特別順。曼聯今季後防經常失大意波，由哈利馬古尼、域陀連迪路夫組成嘅中路拍檔畀唔到人信心，以華迪近期勇態，加上占士麥迪臣、哈維班尼斯等後上支援，唔難喺「紅魔」身上攞到甜頭。

李斯特城對Big 6醒神
曼聯周中英聯盃作客2比0裁减愛華頓，殺入4強，上場聯賽主場更以6比2大炒列斯聯，單計近7場聯賽6勝1和，今朝只比榜首利物浦少5分兼少踢1場，爭奪費格遜退休後首個英超冠軍絕對不是夢。佢哋今季6場聯賽作客雖然全勝，但全部都係先失波，加埋一共失9球，亏得中前場球員踢出水準，除拉舒福特、般奴費南迪斯外，連安東尼馬迪爾合格連活特亦愈踢愈有信心，就算中場麥湯米尼今仗或因傷缺陣，對整體發揮及信心影響不大。論對賽往績曼聯佔上風，但「狐狸」今季對Big 6特別醒神，勝負難料下玩2.5球大盤更划算。