葡帥鬥法 寸王Vs紐奴
今晚英超尾場葡帥對決，狼隊對熱刺係紐奴同摩連奴「師徒大戰」，話題性十足，論執教功力及經驗，「寸王」必定勝一籌，加上手執一副好牌，哈利卡尼同孫興民真係弗到漏油，作客照攻狼隊，熱刺小讓平半上盤可取。

（Now 621周一破晓3時15分直播）

講當代葡萄牙足球Icon，球員係C朗，領隊就必定係摩連奴，上季佢執教熱刺畀人話過時，淨係識得「泊大巴」，但其實「寸王」百寶袋仲有许多几何貨，今季就用主攻征戰英超同歐霸，亦令到哈利卡尼同孫興民生猛晒。

熱刺聯賽連敗畀利物浦同李斯特城後，已跌出前5，現時14戰得25分，比榜首利物浦少6分，佢哋聖誕新年快車一向成績唔錯，必然會瘋狂搶分。呢支倫敦球會上周中於聯賽盃作客3比1大勝史篤城，球隊及時止跌反彈，卡尼更射入1球，士氣有保證。

狼隊殘陣受讓都唔要
狼隊領隊紐奴入主後全面葡萄牙化，但佢哋搶分過於会合喺魯爾占美尼斯身上，呢名墨西哥前鋒受傷後，球隊戰績大倒退，加上近期有多位主力受傷，「大隻佬」艾達馬查奧爾有勇無謀、柏度尼圖掌握力一般，都難替代到魯爾占美尼斯位置。最大問題係，紐奴戰術單調，只係靠穩守突擊食胡，尤其主場愈甚，相反摩連奴如開動「搶攻Mode」，必定令狼隊上下招架唔住，熱刺上盤抵玩。